رحمة ربنا
يا ترى لو سألتك مفهومك ايه عن رحمة ربنا ؟؟؟
ايه أول حاجة هتيجى فى دماغك
ان ربنا نجاك من حاجة وحشة مثلا
ان ربنا خفف عنك مرض أو أزمة
كتير مننا اتعرض لمواقف وبعد ماطلع منها على خير قال لولا رحمة ربنا كنت رحت فى خبر كان
صح مش كدة...........؟؟
بس وأنا بقرا سورة الكهف الجمعة اللى فاتت اكتشفت مفهوم جديد لرحمة ربنا
ممكن رحمة ربنا تبقى فى حاجة تحصلك تبقى انت شايف فى ظاهرها انها مصيبة أو كارثة لكن فى باطن الأمر رحمة واسعة
يعنى لو حد عزيز عليك توفى يبقى رحمة من ربنا
لو حادثة حصلتلك تبقى رحمة من ربنا
تعالوا نشوف ربنا بيقول ايه فى سورة الكهف
فى سورة الكهف قصة سيدنا موسى و سيدنا الخضر عليهما السلام
ربنا فى وصفه لسيدنا الخضر بيقول
بسم الله الرحمن الرحيم
(64)فَوَجَدَا عَبْدًا مِّنْ عِبَادِنَا آتَيْنَاهُ رَحْمَةً مِنْ عِندِنَا وَعَلَّمْنَاهُ مِن لَّدُنَّا عِلْمًا (65)
ربنا وصف سيدنا الخضر انه أتى رحمة وعلم من عند الله
وبناء عليه كل أعماله عليه السلام فيها رحمة من الله أما العلم فهو بعض من علم الغيب
تعلوا نشوف عمل أيه سيدنا الخضر فى قصته مع سيدنا موسى
(70)فَانطَلَقَا حَتَّى إِذَا رَكِبَا فِي السَّفِينَةِ خَرَقَهَا قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا(71)
(73)فَانطَلَقَا حَتَّى إِذَا لَقِيَا غُلامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَّقَدْ جِئْتَ شَيْئًا نُّكْرًا(74)
(76)فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لاتَّخَذْتَ عَلَيْهِ أَجْرًا(77)
ثلاث قصص من مفهمومنا الأنسانى الصرف كوارث
1.تخريب سفينة
2.قتل طفل
3.عمل بدون أجر لناس مايستحقوش
كل ده من مفهومنا الأنسانى القاصر
حتى سيدنا موسى كان متعجب من كل هذه الأفعال
لكن لما تعرف تفسير الأفعال دى
1.تخريب السفينة
(78)أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدتُّ أَنْ أَعِيبَهَا وَكَانَ وَرَاءهُم مَّلِكٌ يَأْخُذُ كُلَّ سَفِينَةٍ غَصْبًا (79)
2.قتل الطفل
(79)وَأَمَّا الْغُلامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا(80)
(80)فَأَرَدْنَا أَن يُبْدِلَهُمَا رَبُّهُمَا خَيْرًا مِّنْهُ زَكَاةً وَأَقْرَبَ رُحْمًا(81)
3.بناء جدار بلا أجر
(81)وَأَمَّا الْجِدَارُ فَكَانَ لِغُلامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنزٌ لَّهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنزَهُمَا رَحْمَةً مِّن رَّبِّكَ وَمَا فَعَلْتُهُ عَنْ أَمْرِي ذَلِكَ تَأْوِيلُ مَا لَمْ تَسْطِع عَّلَيْهِ صَبْرًا (82)
تكتشف رحمة ربنا فى القصص الثلات
يعنى ممكن فى حادثة عربيتك يبقى رحمة ربنا لأن ممكن لو مكنتش عملت الحادثة حاجة تانية أوحش تحصلك
لو تعبت أو حصلك أى مصيبة أعرف أن باطن المصيبة دى رحمة ربنا
اللهم أرحمنا ..اللهم أرحمنا
هذا والله أعلم
فعلا انا عندى يقين تااااااااام ان اى حاجه بتحصللى فهى خير ورحمه
ردحذفمن ربناليا بقول اكيد انا معرفش الخير فين ومادام انا بثق فى ربى فمبزعلش بالعكس يقينى ف الله بيزيد ودا بيخلينى دائما متوكله عليه
غير كده الواحد بيشوف رحمة ربنا ف كل حاجه ساعات بحس انى رحمه من ربنا وكل اللى حواليه رحمه فسبحان الله رحمته متجسده ف كل حاجه حوالينا بس للى يشوف بقلبه
فعلا زى مانتى قولتلا لازم نعرف أن رحمة ربنا مش بس فى الحاجات الحلوة لا فى أى حاجة حلوة أو وحشة لأن ربنا عمره مايعمل حاجة وحشة
ردحذفالصحابة زمان لما كان الواحد فيهم تجرحه شوكة وردة كان بيعتبرها حاجة حلوة تكفر عن ذنوبه بس اللى الواحد شايفه اليومين دول أن الناس مبتعملش كدة
لو فعلا آمنا بأن كل اللى بيجى من عند الله هو خير هنرتاح أوى و شكرا على مداخلتك الطيبة
لو علمتم الغيب لاخترتم الواقع
ردحذفحكمة ربنا
و في حاجات كتير قوي مرت في حياة كل واحد فينا و كنا متخيلينها ايامها انها حاجة بشعة و طلعت هو الخير بعينه
و برضة ياما فاتت و عدت فرص كتير الواحد مااستغلهاش و تخيل ساعتها ان ربنا مش رايد له الخير
و بتثبت الأيام انها كانت شر مستطير
سبحان الله